Post "Sojle de la klara temp'" vkkd 32 (2001) kaj "Plaĉas al mi" vkkd 74 (2004), la kataluna bando Kaj Tiel Plu daŭre proponas vojaĝon tra la muzikoj de la mezepoko kaj de la tradicioj kataluna, okcitana kaj sefarda.
Krome, reaperis la originala spirito de la bando kiu en sia komenco trinkis el internacia repertuaro, kaj proponas ankaŭ kantojn kaj dancojn el Kroatio, Kabilio, Danio kaj Anglio.

La unua disko estis pli mezepoka, la dua estis pli tradicia. "Surplacen venu vi" estas pli direktata al dancmuziko kaj montras maturiĝon de la bando, kiu prezentas kantojn kaj dancojn per tre bunta kaj riĉa muzikilaro kiel gitaro, mandolino, kontrabaso, violono, flutoj, gambovjolo, akordiono, diversaj perkutiloj, koruso kaj ĉefa melodia voĉo.

La kantoj, tradukitaj al Esperanto, tute ne perfidas ties originalajn lingvojn. La libreto prezentas kaj la kantatan esperantaĵon kaj la kanton en la originala lingvo (okcitana, kataluna, judhispana, kroata, amaziga kaj hispana), sed male, utilas al diskonigo de la diversaj tradicioj, kaj atingas la korojn de tre diverspeca publiko.

Kiel en la duaj antaŭaj albumoj, la disko komenciĝas per mezepoka melodio kaj finas per tradicia kanto de la hispana civila milito. La KoDisko inkluzivas 10 instrumentajn versiojn de la kantoj por karaokeo kaj videon pri la bando en la studio.

Kaj Tiel Plu estas :
Anna María Sánchez : Darbuko, tamburino kaj diversaj perkutiloj
Carles Vela : Flutoj, voĉo
Elena Milla : Darbuko, tamburino, ovoj, perkutiloj diversaj kaj voĉo
Ferriol Masip (Farri) : Vilono, Voĉo
Isaac Barrera (Fosi) : Kontrabaso
Josep Maria Milla (Jomo) : Mandolino, voĉo
Xavier Rodon (Xevi): Gitaro kaj ĉefvoĉo

kulpantoj pro la malĉeesto : Carles badia, Pau de Nut

Gastmuzikistoj :
Ángel Ribas : Akordiono, tamburego
Lucia Rolet : Gamboviolo

Registrado en printempo kaj somero 2009
Sonstudio (registrado kaj miksado) : Vinilkosmo - Studio de La Trappe (Donneville / Okcitanio)
Soninĝeniero : Tribulet
Mastrigado : Alexis Bardinet - Globe Audio (Bordozo) Libreto kaj kovrilo : Farri - kaj Tiel Plu
Kovrilfoto : Sjoerd Bosga

Eblas elŝuti altkvalitan version de la tuta video TIE ĈI !